කුළුබඩු වලට පොල්ල තැබූ ලක් සතොස

ලංකා සතොස ආයතනයට සපයන ලද කුළුබඩු වෙනුවෙන් රුපියල් එක්කෝටි විසි ලක්ෂයක මුදලක් ගෙවීම පැහැර හැර ඇති බව වාර්තා වේ.

වසර දෙකක කාලය තුළදී කුළුබඩු හා ඒ ආශ්‍රිත නිෂ්පාදන අලෙවි මණ්ඩලය විසින් ලංකා සතොස ආයතනයට සපයන ලද කුළුබඩු වෙනුවෙන් මෙලෙස මුදල් ගෙවීම පැහැර හැර ඇත.

කෘෂිකර්ම හා වැවිලි කර්මාන්ත ඇමැති මහින්ද අමරවීර කුළුබඩු හා ඒ ආශ්‍රිත නිෂ්පාදන අලෙවි මණ්ඩලයේ ප්‍රගතිය සොයා බැලීමට ගිය අවස්ථාවක මෙම තොරතුරු අනාවරණය වී ඇති බව සඳහන් වේ.