90 දශකයේ අතිශය ජනප්‍රියත්වයට පත්වූ “ෆ්‍රෙන්ඩ්ස්” රූපවාහිනී කතා මාලාවේ උපහාසාත්මක චරිතයක් වන ‘චැන්ඩ්ලර් බිං‘ ට පණ පෙවූ හොලිවුඩ් නළු මැතිව් පෙරී මිය ගොස් ඇත.
මිය යන විට ඔහු 54වැනි
වියෙහි පසුවිය.
සෙනසුරාදා ඔහුගේ ලොස් ඇන්ජලීස් නිවසේ
ටබ් එක තුළ ගිලී සිටියදී හමුවී ඇතැයි විදෙස් වාර්තා සඳහන් කරයි. ඔහු දියනාමින්
සිටියදී හෘදයාබාධයක් වැළඳී ඇතැයි පොලිසිය උපකල්පණය කරයි. ආසන්න ස්ථානයක මත්ද්‍රව්‍ය
හෝ සැකකටයුතු ද්‍රව්‍ය කිසිවක් හමුවී නැතැයිද පොලිසිය උපුටමින් විදෙස් මාධ්‍ය
වාර්තා කරයි.
ඔහුගේ පදිංචි නිවසේ මරණ පරීක්ෂණය
සිදුවෙමින් පවතින බව පොලිසිය වාර්තා කර ඇත.
නිවේදනයක් නිකුත් කරමින් Warner Bros සමූහය පවසා ඇත්තේ පෙරීගේ අභාවයෙන් තමන් “අතිශය කම්පාවට පත්වූ” බවයි.
1969දී ඇමරිකාවේ මැසචූසට්ස් හි උපත ලැබූ පෙරී, සිය
ළමා කාලය ගත කළේ කැනඩාවේ ඔටාවා නුවරදීය.
මැතිව් පෙරී රඟපෑ “ෆ්‍රෙන්ඩ්ස්” 1994
සිට 2004 දක්වා දිව ගිය අතිශය ජනප්‍රිය කථාමාලාවක් වූ අතර, 2002 දී
එය හොඳම විකට කතා මාලාවට හිමි එමී සම්මානය දිනා ගත්තේය.
පෙරී කැපී පෙනෙන චිත්‍රපට චරිත
කිහිපයක් ද රගපෑ අතර, රොම්-කොම් “ෆූල්ස් රෂ් ඉන්” හි සල්මා හයේක් සමඟ ද, “ද
හොල් නයින් යාර්ඩ්ස්” හි අපරාධ ප්‍රහසනයේ බෲස් විලිස් සමගද රඟපෑවේය.
වසර ගණනාවක් පුරාවට වේදනා නාශක හා
මත්පැන් වලට ඇබ්බැහිව සිටි පෙරී,
අවස්ථා කිහිපයකදීම පුනරුත්ථාපන සායන වලට
එක්විය.
