ඉදිරි සති දෙක තුන තුළ ආර්ථික දුෂ්කරතා සහිත පාසල් සිසු සිසුවියන් ලක්ෂ අටකට පාවහන් ගැනීම සඳහා රුපියල් තුන්දහසක වටිනාකමින් යුත් වවුචර්පත් ප්‍රදානය කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.
මෙම දීමනාව ඉදිරි 2024 වර්ෂයේ දී වැඩි කරන බව ද අමාත්‍යවරයා පවසයි.
අමාත්‍යවරයා මේ බව සඳහන් කළේ ගාල්ල ගිංතොට සහිරා විද්‍යාලයේ පැවති උත්සවයකට එක් වෙමිනි.
2024 වර්ෂයේ සිට අධ්‍යාපන පරිවර්තනීය වෙනස්කම් ක්‍රියාවට නංවමින් පරිපාලන වෙනස්කම් වෙත මුලින් ම පිවිසෙන බවත් විෂය මාලා සංවර්ධනය සඳහා ද ප්‍රමුඛ අවධානයක් යොමු කරන බව අමාත්‍යවරයා මෙහිදී වැඩිදුරටත් සදහන් කරමින් කියා සිටියේ ය.
.jpg)
